Baş direktor çıxışına davam edərək qeyd etmişdir ki, Ümummilli Lider Heydər Əliyevin dediyi kimi Azərbaycan bütün Dünya Azərbaycanlılarının hər birinin evidir. Azərbaycan Respublikasının Prezidenti  İlham Əliyev cənablarının yürütdüyü  məqsədyönlü daxili və xarici siyasət nəticəsində yola saldığımız 2022-ci il respublikamız üçün uğurlu olmuş, bütün sahələrdə yadda qalan nailiyyətlər əldə  olunmuşdur. Yeni il ölkəmiz üçün bütün sahələrdə daha böyük qələbələr qazanması üçün hərtərəfli zəmin yaranmışdır.  Bu il "Ekol Mühəndislik Xidmətləri" QSC üçün də uğurlu il olmuş, qarşıya qoyulan vəzifələrə layiqincə  əməl edilmişdir. Hər birinizin peşəkarlığınıza və  əməksevərliyinizə  arxalanaraq ümid edirəm ki, növbəti ildə də təsisçilərimizin  qarşımızda qoyduğu  vəzifələrin  yüksək səviyyədə həyata keçirilməsinə nail olacağıq.

Tədbirdə  Baş direktorun istehsalat üzrə müavini-Texniki direktor Məzahir Hüseynov, Baş direktorun SƏTƏM üzrə müavini Eldəniz Həsənli, Dezinfeksiya şöbəsinin rəisi Bəhlul İsmayılov, Həmkarlar Komitəsinin sədri, İctimai sosial şöbənin rəisi Əli Ələkbərov və digər çıxış edənlər tədbir iştirakçılarını, kollektivin hər bir üzvünü Dünya Azərbaycanlılarının  Həmrəylik  Günü və Yeni il bayramı münasibətilə təbrik etmişlər.

Çıxışlarda qeyd olunmuşdur ki, Dünya Azərbaycanlılarının Həmrəylik Günü Azərbaycan  millətinin birlik şüarının simvolik günü olmaqla  31 ildir ki, dünyanın 70-dən çox ölkəsində azərbaycanlılar tərəfindən   böyük təntənə ilə qeyd olunur. Bu bayram dünyanın 52 milyonluq azərbaycanlılarının  birlik və bərabərlik təntənəsi olmaqla, ayrı-ayrı ölkələrdə yaşayan azərbaycanlılarla  əlaqələr qurmaq, onlar arasında birlik və həmrəylik yaratmaq işində mühüm rol oynayır. Odur ki,  respublikamızın bütün sahələrdə güclü, inkişaf etmiş bir ölkəyə çevrilməsi üçün qüvvələrimizin birləşdirilməsi və  qarşımızda duran vəzifələrin şərəflə yerinə yetirməsi istiqamətində səylərimizi daha da artırmalıyıq.

Bununla da Dünya  Azərbaycanlılarının  Həmrəylik  Gününə və Yeni il bayramına həsr edilmiş tədbir başa çatmışdır.