İş yerlərində SOCAR-ın 15 oktyabr 2020-ci il tarixli telefonoqramında nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında Operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə “Ekol Mühəndislik Xidmətləri” QSC-nin Dezinfeksiya şöbəsinin əməkdaşları tərəfindən müntəzəm olaraq dezinfeksiya işləri aparılır.

“Azneft” İstehsalat Birliyinin inzibati binası və onun strukturuna aid olan Maddi Texniki Təchizat İdarəsinin inzibati binasında və 2 saylı Sənqəçal Bazasında, 1 və 2 saylı İxtisaslaşdırılmış Neft Mədən Xüsusi Texnika İdarəsinin inzibati binalarında, “28 may” NQÇİ-nin Qazın Tam Hazırlanması və Nəqli (Qaradağ, Hövsan),  Neftin Tam Hazırlanması və Təhvili (Dübəndi) sahələrində,  “Abşeronneft”,  “Siyəzənneft”, N.Nərimanov, Ə.Əmirov adına NQÇİ-nin inzibati binaları və sahələrində, Dalma Qurğularının Təmiri və Kirayəsi üzrə Eksperimental İstehsalat Müəssisəsinin inzibati binası, sex və sahələrində, Dalğıc Qəza Xidmətinin inzibati binası və Qaradağ sahəsində,  Qaz Anbarları İstismarı İdarəsinin inzibati binasında, Qaz Emalı zavodunda və sahələrində, Neft Kəmərləri İdarəsinin inzibati binasında və onun  struktur bölmələri olan İxrac İstehsalat Bölümünün Siyəzən Neftin Nəqli sahəsində, Şirvanlı İxrac Neftin Təhvili sahəsində və Qəza Bərpa departamentində, Qaradağ İstehsalat Bölümünün inzibati binasında və Şirvan Neftin Nəqli sahəsində, Anbar Təsərrüfatı Bölümündə, Neft Emalı Zavodunun ərazisindəki sahələrində,  “Neftqaztikinti” trestinin  inzibati binasında və onun strukturuna aid olan 5, 6 və 7 saylı Tikinti Quraşdırma Bölümlərində, Azərkimya İstehsalat Birliyinin inzibati binasında və onun struktur bölməsi olan Təmir-Tikinti İdarəsinin inzibati binasında, Azəriqaz İstehsalat Birliyinin inzibati binası və onun struktur bölmələri olan Salyan Regional Qaz İstismar İdarəsinin Şirvan və Hacıqabul Xidmət sahələrində, Xaçmaz Regional Qaz İstismar İdarəsinin inzibati binasında, Kompleks Qazma İşləri Trestinin inzibati binasında və onun strukturuna aid olan Bibiheybət və Qaradağ quyularında, “Neft Daşları-Günəşli” İstehsalat, Qazma Servis İstehsalat Bolümlərində, 1 və 2 saylı Anbar Təsərrüfatlarında, Siyəzən İstehsalat Bölümünün Sədan və Zağlı Zeyvə sahələrində, Geofizika və Geologiya İdarəsinin inzibati binasında və onun strukturuna aid olan Mədəngeofizika İstehsalat Bölümünün “Azəri” və “Bahar” Mədən Geoloji Ekspedisiyalarında, “Sənqəçal” Mühəndis Geoloji, Kəşfiyyatgeofizika İstehsalat Bölümlərinin Geoloji Materialların Emalı İmpretasiya Ekspedisiyalarında, Kompleks Mühəndis Axtarış İstehsalat Bölümünün inzibati binasında, Qaz İxrac İdarəsinin inzibati binasında və onun strukturuna aid olan Abşeron Magistral Qaz Kəmərləri sahəsinin Sumqayıt, Digah, Böyükşor, Modul Elektrik və Yeni Suraxanı Qaz Paylayıcı stansiyalarında, Hacıqabul Magistral Qaz Kəmərləri, Siyəzən Magistral Qaz Kəmərləri sahələrində, Təhlükəsizlik İdarəsinin inzibati binası və idman zalında, Sosial İnkişaf İdarəsinin İdman zalı Kompleksində, Anbar Təsərrüfatı Bölümündə, Şirvan şəhərin stadionunda və Gənc İstedadlar Təhsil Kompleksinin Kampusunda, Karbamid zavodunun inzibati binası, sex və sahəsində, Marketinq və İqtisadi Əməliyyatlar İdarəsinin inzibati binasında və onun struktur bölməsi olan Neft Məhsullarının Qəbulu və Göndərilməsi Bazasında, Nəqliyyat İdarəsinin inzibati binasında və onun struktur bölmələri olan 1, 2, 4 və 6 saylı Texnoloji Nəqliyyat  Departamentlərinin inzibati binalarında, xüsusi texnika və nəqliyyat vasitələrində, İnformasiya Texnologiyaları və Rabitə İdarəsinin inzibati binasında və onun struktur bölmələri olan Daşgil-Səngəçal Rabitə İnformasiya sahəsində, Qobustan Avtomatlaşdırılmış Telefon Stansiyasında, İnformasiya Kommunikasiyaları Texnoloji Xidmət sahəsində, “Ümid-Babək” Əməliyyat Şirkətinin Mərkəzi Anbarında və sahələrində,  AzGerneft MMC və Bakı Ali Neft Məktəbinin inzibati binalarında, “Ekol Mühəndislik Xidmətləri” QSC-nin “Ekologiya” İdarəsinin inzibati binasında, O.Vəliyev 1 ünvanında yerləşən inzibati binada, Tullantıların emalı departamentinin 3, 4, 5, 6-cı (H.Əliyev adına NEZ-in 10 saylı İstehsalatın Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahələrində, Torpaqların rekultivasiyası departamentinin  1-ci (“Abşeronneft”,  H.Z.Tağıyev adına NQÇİ-nin mədən ərazisi), 2-ci (“Bibiheybətneft” NQÇİ-nin mədən ərazisi) sahələrində  ümumilikdə 266 397 m2 deratizasiya, 283 448 m2 dezinseksiya və 22 669 m2 sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.

Bundan başqa QSC-nin baş ofisində, inzibati binalarında və bütün xidməti sahələrində Koronavirus infeksiyasına yoluxması faktını müəyyən etmək məqsədi ilə, işçilərin hər gün işə başlamazdan əvvəl xüsusi cihaz vasitəsi ilə hərarətlərinin ölçülməsi, əllərin və ayaqların xüsusi vasitələrdən istifadə etməklə dezinfeksiya edilməsi, maarifləndirmə işlərinin aparılması ən vacib qabaqlayıcı tədbir kimi yoluxmanın qarşısını almaq məqsədi daşıyır.

Məlum olduğu kimi, “Sanitariya - Epidemioloji Salamatlıq Haqqında” Azərbaycan Respublikası Qanunun  25-ci maddəsinə uyğun olaraq  Nazirlər Kabinetinin 2021-ci il 22 dekabr tarixli qərarına əsasən ölkə ərazisində tətbiq edilən xüsusi karantin rejimi 2023-ci il 01 mart saat 00.00-dək uzadılmışdır.

Uzadılmış karantin rejimi dövründə Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə, idman komplekslərində və “Ekol Mühəndislik Xidmətləri” QSC-nin fəaliyyət sahələrində mütəmadi olaraq davam etdirilir.