Növbəti keçirilən tədbirlərdən biri də SOCAR minifutbol turniridir. Bu turniri keçirən SOCAR, təşkilatçı “Neftçi” PFK, texniki dəstək isə “Neftçi” İKİB və AFFA tərəfindən həyata keçirilir.
Turnirin keçirilməsində əsas məqsəd neft, qaz və kimya sənayesi işçilərinin asudə vaxtlarının səmərəli təşkili, komanda ruhunun formalaşması, onlara idmana olan maraqların artırılması və həmkarlar arasında sıx ünsiyyət əlaqələrin daha da möhkəmlənməsindən ibarətdir.
Turnir 02-30 aprel 2023-cü il tarixində hər həftənin bazar günü olmaqla saat 10.00-dan etibarən Bakı Olimpiya Stadionunun ərazisində yerləşən “Sportser” meydançasında keçirilir.
16 komandadan ibarət olan turnir 4 qrupa bölünmüşdür. Hər qrupda 4 komanda yer alır. “Ekol Mühəndislik Xidmətləri” QSC-nin minifutbol komandası 29 mart 2023-cü ildə püşkatma zamanı D qrupuna düşmüşdür.
Turnirin açılış mərasimi 02.04.2023-cü il tarixində Bakı Olimpiya Stadionunun ərazisində yerləşən “Sportser” meydançasında keçirilmişdir.
Açılış mərasimində SOCAR rəhbərliyi vitse prezident Xalik Məmmədov, “Neftçi” PFK klubunun, “Neftçi İdman Klubu” İB-nin, AFFA-nın, “Ekol Mühəndislik Xidmətləri” QSC-nin Baş direktoru Ramil Əliyev və kollektiv üzvləri iştirak etmişlər.
Mərasimdə çıxış edən SOCAR vitse prezidenti Xalik Məmmədov bu turnirin əhəmiyyətindən danışaraq Ümummilli Lider Heydər Əliyevin anadan olmasının 100 illiyinin qeyd olunması, onun Azərbaycan neft sənayesinin dayanıqlı inkişafı istiqamətində, dünyada etibarlı neft-qaz ölkəsi kimi tanınması, milli neft strategiyamızın başlanğıcı hesab edilən və ölkəmizin sosial-iqtisadi tərəqqisinin əsasını qoyan “Əsrin müqaviləsi” məhz Ümummilli Liderin müdrikliyi məqsədyönlü və qətiyyətli siyasəti nəticəsində imzalandığını bildirdi. Sonra Azərbaycan Respublikasının dövlət himni səsləndirildi və daha sonra Ümummilli Lider Heydər Əliyevin və bütün şəhidlərimizin əziz xatirəsi bir dəqiqəlik sükutla yad edildi.
Açılış mərasimindən sonra turnirə start verildi.
A, B, C və D qruplarının oyunları keçirildi. A qrupunda yer alan işçilərdən ibarət “Ekol” minifutbol komandası SOCAR DOWNSTREAM komandası ilə üz-üzə gəldi.
Komandamıza bu turnirdə uğurlar arzulayırıq.