Ekskursiya və maarifləndirici proqram SOCAR-ın “Ekoloji təbliğat və maarifləndirməyə dair 2022-2023-cü illər üzrə “Tədbirlər Planı”nda ölkəmizin gənc nəslin nümayəndələrinin diqqətini Azərbaycanın ekoloji tarazlığının qorunmasına və bərpasına, ekoloji biliklərinin artırılmasına, eyni zamanda bu sahədə bacarıqlarının formalaşmasına yönəltməkdən ibarətdir.

Proqamın açılışı “Ekol Mühəndislik Xidmətləri” QSC-nin Eko Park İnnovasiya Mərkəzinin rəisi Tahir Şıxəliyevin Eko Park haqqında qısa məlumatı ilə başlamışdır.

Tədbirdə SOCAR-ın Ekologiya və enerji keçidi məsələləri üzrə Departamenti “Dekorbanizasiya və ekoloji layihələrin idarəedilməsi” şöbəsinin böyük mühəndisi Əsmər Orucova və Xəzər Universitetinin rektoru İradə Xəlilova ekoloji məsələlərdə tələbələri daha aktiv olmağa dəvət edərək çıxışlarına  davam etdilər.

Daha sonra Xəzər Universitetinin Coğrafiya  və Ətraf mühit departamentinin müdiri Rövşən Abbasov və Universitetin Neft mühəndisliyi departamentinin müdiri Elşən Abdullayev, təqdimatların müşayəti ilə məruzələrini tələbələrin diqqətinə çatdırdılar.

Ekskursiya zamanı qonaqlar park ərazisində olan alternativ enerji mənbələri, Enerji İdarəetmə Mərkəzi, fidanlıq sahəsi və istixana ilə tanış olmuşlar.