Baş direktorun SƏTƏMM üzrə müavini Eldəniz Həsənli mövzu ətrafında çıxış edərək "Ümumdünya Əməyin Mühafizəsi Günü" ilə əlaqədar QSC üzrə həyata keçirilən tədbirlər, müvafiq qanunvericilik tələblərinə əsasən iş yerində çalışarkən müəssisədaxili intizam qaydaları, əməyin mühafizəsi, təhlükəsizlik texnikası və sanitar-gigiyena norma və qaydalarına riayət edilməsi haqqında geniş məlumat vermiş bu məsələnin daim diqqət mərkəzində olduğunu xüsusilə vurğulamışdır.

Texniki təhlükəsizlik şöbəsinin rəisi Səbuhi Veysəlov öz çıxışında QSC-nin Əməyin mühafizəsi üzrə Daimi Fəaliyyət göstərən Komissiyanın fəaliyyətindən danışmış, bu sahədə görülən müsbət işlərlə yanaşı mövcud nöqsanlar və onların aradan qaldırılması istiqamətində həyata keçirilən tədbirlər barədə geniş məlumat vermişdir. O, qeyd etmişdir ki, “Təhlükəsiz və Sağlam iş mühiti əsas prinsip və iş hüququdur” devizi altında QSC-də bir sıra tədbirlərin həyata keçirilməsi nəzərdə tutulur ki, bu tədbirlərdə işçilərin iştirakı maksimum dərəcədə təmin ediləcəkdir. Daha sonra o mövzu ətrafında iş yerlərində təhlükəsiz və sağlam iş mühiti, fərdi mühafizə vasitələrindən istifadə qaydaları, yanğın təhlükəsizliyi qaydalarına riayət olunması və təhlükəsizlik mədəniyyətinin inkişafına müsbət təsir göstərməsi haqqında geniş məlumat verdi.

Tədbirin sonunda əməyin mühafizəsi sahəsində göstərdikləri yüksək peşəkarlığa görə Torpaqların rekultivasiyası departamentinin 1-ci sahəsinin bağbanları Ruslan Ağaxanov və Bəxtiyar Məmmədov, Torpaqların rekultivasiyası departamentinin 2-ci sahəsinin bağbanı Davud Ağaxanov, Tullantıların emalı departamentinin 4-cü sahəsinin texnoloji qurğuların təmiri üzrə çilingəri Rövşən Bağırov və 5-ci sahəsinin texnoloji qurğuların operatorları Bəhruz Vəlizadə və Rasim Səmədov, Elektromexanika sexinin Texnoloji qurğuların təmiri üzrə çilingəri Rasim Yaqiyev, Dezinfeksiya şöbəsinin mühəndisi Məmməd İsmayılov, İnzibati təsərrüfat şöbəsinin bənnası Bəybala Namazov, Nəqliyyat sexinin buldozer maşinisti Rafiq Mikayılov, Tullantı Mərkəzinin takelajçısı Elsevər Cənnətov, “Eko Park” İnnovasiya Mərkəzinin Əməyin mühafizəsi və təhlükəsizlik texnikası üzrə mühəndisi Xaliq Aslanov, “Ekologiya” İdarəsinin Təmir və texniki xidmət sahəsinin rəngsazı Tariyel Quliyev və Ətraf mühitin mühafizəsi sahəsinin bağbanı Vəliyəddin Quliyev QSC rəhbərliyi tərəfindən Təşəkkürnaməyə layiq görülmüşlər.

Tədbirin sonunda təşəkkürnamə alan işçilər onların əməyinə verilən qiymətə, diqqət və qayğıya görə cəmiyyətin rəhbərliyinə öz minnətdarlıqlarını bildirmişlər.