“Azərbaycan Respublikasında 2023-cü ilin “Heydər Əliyev İli” elan edilməsi haqqında” Sərəncamın 2-ci bəndinin icrasını təmin etmək məqsədilə “Ekol Mühəndislik Xidmətləri” QSC tərəfindən müvafiq tədbirlər planı hazırlanıb həyata keçirilir.

Bu tədbirlərdən biri də xeyriyyə tədbiridir. “Ekol Mühəndislik Xidmətləri” QSC-nin Baş direktorun Ümumi işlər üzrə müavini İsrafil Əliyev, Həmkarlar İttifaqı Komitəsinin sədri Əli Ələkbərov, İctimai sosial şöbənin rəis müavini Məzahir İskəndərov və cəmiyyətin əməkdaşları Xəzər rayonu Mərdəkan qəsəbəsində yerləşən 1 saylı sağlamlıq imkanları məhdud uşaqlar üçün sosial xidmət müəssisəsində oldular. Qonaqları müəssisənin direktoru Sevinc Məlikova qarşıladı. Fəaliyyətləri barədə geniş məlumat verən Sevinc Məlikova, qonaqları müəssisənin şəraiti ilə yaxından tanış etdi. Görüş əsnasında “Ekol Mühəndislik Xidmətləri” QSC-nin Həmkarlar İttifaqı Komitəsinin sədri Əli Ələkbərov tədbir iştirakçılarına sağlamlıq imkanları məhdud uşaqlara dövlətin göstərdiyi qayğıya görə möhtərəm Prezidentimiz İlham Əliyev cənablarına və Vitse-Prezident, Heydər Əliyev Fondunun Prezidenti, İSESKO-nun xoşməramlı səfiri Mehriban xanım Əliyevaya öz dərin minnətdarlığını bildirdi. 

Görüş iştirakçıları 1 saylı sağlamlıq imkanları məhdud uşaqlar üçün sosial xidmət müəssisəsinin rəhbərliyinin və xidmət əməkdaşlarının uşaqlara göstərdiyi qayğıdan razı qaldıqlarını bildirdilər.

Sevinc Məlikova uşaqlara göstərdiyi diqqət və qayğıya görə qonaqlara öz minnətdarlığını bildirmiş, belə görüşlərin sağlamlıq imkanları məhdud uşaqlara xoş əhval bəxş etmək və ictimaiyyətin diqqətini onlara yönəltmək olduğunu vurğulamışdır.

Tədbirin sonunda cəmiyyət tərəfindən gətirilən hədiyyələr 1 saylı sağlamlıq imkanları məhdud uşaqlar üçün sosial xidmət müəssisəsinə təqdim edildi.