“Azərbaycan Respublikasında 2023-cü ilin “Heydər Əliyev İli” elan edilməsi haqqında” Sərəncamın 2-ci bəndinin icrasını təmin etmək məqsədilə “Ekol Mühəndislik Xidmətləri” QSC tərəfindən müvafiq tədbirlər planı hazırlanıb həyata keçirilir.
29 aprel 2023-cü il tarixində “Ekol Mühəndislik Xidmətləri” QSC-nin xidmət sahələrində iməcilik keçirilmişdir. İməcilikdə rəhbərlik və kollektivin çoxsaylı nümayəndələri iştirak etmişlər. Tədbir “Ekol Mühəndislik Xidmətləri” QSC-nin xidmət göstərdiyi O.Vəliyev 1 ünvanında yerləşən inzibati binada, Tullantıların emalı departamentinin 3, 4, 5, 6-cı (H.Əliyev adına NEZ-in 10 saylı İstehsalatın Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahələrində, Torpaqların rekultivasiyası departamentinin 1-ci (“Abşeronneft”, H.Z.Tağıyev adına NQÇİ-nin mədən ərazisi), 2-ci (“Bibiheybətneft” NQÇİ-nin mədən ərazisi) sahələrində, SOCAR-ın “Azneft” İB-nin Qaz Emalı Zavodunun ərazisində, “Abşeronneft”, “BibiHeybətneft” və H.Z. Tağıyev adına NQÇİ-lərin mədən ərazilərinin yaşıllaşdırma sahələrində, Tullantıların İdarə Edilməsi Mərkəzində, eləcə də cəmiyyətin “Ekologiya” İdarəsinin Balaxanı sahəsində, Dezinfeksiya şöbəsinin inzibati binasının ərazisində, istehsalat sahələrində və “Eko-Park” İnnovasiya Mərkəzinin yaşıllıq sahələrində keçirilmişdir.
İməcilik zamanı istehsalat sahələri, inzibati binaların əraziləri alaq otlarından, eləcə də digər tullantılardan təmizlənmiş, H.Əliyev adına NEZ-in 10 saylı İstehsalatın Su Təchizat və Neft Məhsulları Tullantıları Qarışığının Qəbulu üzrə xidmət sahəsində sərv, göyrüş, callistemon, eldar ağacları əkilmiş, yaşıllıqlara qulluq və abadlıq işləri yerinə yetirilmiş, tullantılar ərazilərdən kənarlaşdırılmışdır.