13.05.2023-cü il tarixində “Ekol Mühəndislik Xidmətləri” QSC-nin xidmət sahələrində Ümummilli Lider Heydər Əliyevin anadan olmasının 100 illiyinə həsr olunmuş ağacəkmə və  iməcilik aksiyası keçirilmişdir.

Ağacəkmə və iməcilik aksiyasında QSC-nin Eko Park İnnovasiya Mərkəzində SOCAR-ın rəhbər heyəti, “Ekol Mühəndislik Xidmətləri” QSC-nin rəhbərliyi və Mərkəzin əməkdaşları, xidmət göstərdiyimiz SOCAR-ın “Azneft” İB-nin “Bibiheybətneft” NQÇİ-nin mədən ərazisində yerləşən Torpaqların rekultivasiyası departamenti (TRD) 2-ci sahəsində “Azneft” İB-nin rəhbərliyi, NQÇİ-nin rəhbərliyi və əməkdaşları, “Ekol Mühəndislik Xidmətləri” QSC-nin rəhbərliyi, TRD 2-ci sahənin əməkdaşları, Tullantıların emalı departamentinin (TED) 3, 4, 5, 6-cı (H.Əliyev adına NEZ-un 10 saylı İstehsalatın Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahələrində, “Azneft” İB-nin “Abşeronneft”, H.Z.Tağıyev adına NQÇİ-lərin, Qaz Emalı zavodunun ərazisində və Tullantıların İdarə Edilməsi Mərkəzində, eləcə də Cəmiyyətin “Ekologiya” İdarəsinin Balaxanı sahəsində, Dezinfeksiya şöbəsinin inzibati binasının ərazisində kollektivin çoxsaylı nümayəndələrinin iştirakı ilə keçirilmişdir.

Cəmiyyətin bütün xidmət sahələrində, inzibati binaların ərazilərində, Eko Park İnnovasiya Mərkəzində və “Azneft” İB-nin “Bibiheybətneft” NQÇİ-nin mədən ərazisində ağaclar əkilmiş, yaşıllıqlara qulluq və abadlıq işləri yerinə yetirilmişdir.