Bu gün təmənnasız Qan Donorlarının şərəfinə qeyd olunan xüsusi bir gündür. Təhlükəsiz qan və qan məhsulları barədə məlumatlılığın artırılması bu sahədə başlıca hədəflərdən biridir.

Ölkəmizdə də mütəmadi olaraq qanvermə aksiyaları təşkil olunur. Bu aksiyaların davamı olaraq Azərbaycan Respublikasının birinci vitse-prezidenti, Heydər Əliyev Fondunun Prezidenti Mehriban xanım Əliyevanın talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının yaradılmasına dəstək çağırışına “Ekol Mühəndislik Xidmətləri” QSC-nin əməkdaşları da qoşulmuşdur. 

14.06.2023-cü il tarixində Ümumdünya Qan Donoru Günü münasibətilə keçirilən tədbirdə “Ekol Mühəndislik Xidmətləri” QSC-nin Baş direktoru Ramil Əliyev də iştirak etmişdir. Həmin tədbirdə QSC-nin əməkdaşlarının Qan Donorluğunun təşkilatçılığında dəfələrlə fəal iştirakına və göstərilən dəstəyə görə təşəkkürlər edilmiş və Təşəkkürnamə ilə təltif olunmuşdur.

Qanvermə aksiyası humanist missiyanın davamı kimi qiymətləndirilməlidir.