Yay mövsümü ilə əlaqədar yaşıllıq sahələrində ağacların diblərinin boşaldılması, suvarılması işləri və gübrələrlə təmin edilməsi, həmçinin yaşıllıq sahələrində bərpa işlərinin aparılması istiqamətində zəruri tədbirlər görülür.
Hazırda TRD “Azneft” İB-nin Qaz Emalı Zavodunun ərazisində 13 min 820 ədəd, “BibiHeybətneft” NQÇİ-nin reabilitasiya olunmuş mədən ərazilərində 73 min 429 ədəd, “Abşeronneft” NQÇİ-nin reabilitasiya olunmuş mədən ərazilərində 45 min 839 ədəd, “Neft Daşları” NQÇİ-nin ərazisində 6 min 957 ədəd, TRD-nin inzibati binasının ərazisində (A-4 Zığ sahəsi) isə 4 min 985 ədəd müxtəlif növ ağac və bəzək kollarına yay mövsümü ilə əlaqədar aqrotexniki xidmətlər göstərilir.
Yaşıllıq sahələrindəki bitkilər lazım olan ehtiyat qida maddələri, üzvi və mineral gübrələr, münbit torpaq, peyinlə təmin edilir, suvarma işləri mexaniki və damcı üsulu ilə aparılır. Əlavə olaraq quruyan ağacların yenisi ilə əvəz edilməsi işləri həyata keçirilir.
Beləliklə TRD-nin 1-ci və 2-ci sahələrində çalışan işçilər ümumilikdə 87,3 ha sahədə 140 min 045 ədəd müxtəlif növ ağac, bəzək kolları və bitkilərə aqrotexniki işləri yüksək səviyyədə yerinə yetirirlər.
QSC-nin Torpaqların rekultivasiyası departamentinin xidmət göstərdiyi yaşıllıq sahələrində yay mövsümi işlərinin aqrotexniki qaydalara uyğun və keyfiyyətlə yerinə yetirilməsi istiqamətində zəruri tədbirlər davam etdirilir.
ana səhifə
Satınalma
əlaqə
Futzal
Alternativ Enerji
Bu maraqlıdır
