2023-cü ilin 6 ayı ərzində Nəqliyyat sexi tərəfindən təmin edilmiş nəqliyyat vasitələri və xüsusi təyinatlı texnikalar ilə “Suraxanı OYL Opereyşn” Kompani S.A şirkətinin mədən ərazilərindən 19240 m3 mədən axıntı suların, SOCAR-ın “Neftqaztikinti” trestinin ərazisindən 32 m3, “Azəriqaz” İstehsalat Birliyinin Anbar Təsərrüfatı və Təmir Tikinti idarəsinin ərazisindən 771 m3 axıntı çirkab suların, xidmət göstərdiyimiz SOCAR-ın struktur bölmələrinə aid olan “Azneft” İB-nin Tullantıların İdarə Edilməsi mərkəzinin ərazisindən 3160 m3 istehsalat çirkab suları, Karbamid zavodunun ərazisindən 20 m3, Sənaye Təhlükəsizlik İdarəsinin ərazisindən 11 m3 , Neft Kəmərləri İdarəsinin ərazisindən 11 m3, Qaz Anbarları İstisamarı İdarəsinin ərazisindən 11 m3 , Azərbaycan Supermarket MMC-dən 1932 m3, Grand Agro-dan 34 m3 və Midl İst Petrolium FZE şirkətindən 11 m3 axıntı çirkab suların daşınması işlərini həyata keçirmişdir.
Su daşıyan nəqliyyat vasitəsilə QSC-nin Torpaqların rekultivasiyası departamentinin (TRD) xidmət göstərdiyi “Azneft” İB-nin “Abşeronneft” NQÇİ-nin, A-4 (Zığ sahəsi), Eko Park İnnovasiya Mərkəzinin ərazilərindəki yaşıllıqların, ağacların və gül kollarının suvarılması üçün su daşınmaları yerinə yetirilmişdir. Eyni zamanda Tullantıların emalı departamentinin (TED) 3, 4, 5, 6-cı (H.Əliyev adına NEZ-in 10 saylı İstehsalat Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahələrindən tullantı əşyaları və torpaq xüsusi texnikalar vasitəsi ilə daşınmışdır.
TRD-nin xidmət göstərdiyi sahələrə nəqliyyat vasitələri ilə torpaq, peyin, ağac tingləri daşınmışdır. Xüsusi texnikalar vasitəsi ilə sahələrdə müxtəlif ərazilər hamarlanaraq əkin üçün yararlı vəziyyətə gətirilmişdir.
Nəqliyyat sexinin istifadəsində olan Avto Yükləyici Balkankar, xüsusi texnika və avtokran vasitələri daima istehsalata yönəldilərək müxtəlif təyinatlı işlər görülmüş, həmçinin qazel avtomobilləri ilə TRD-nin və TED-nin istehsalat sahələrinə, xidmət göstərdiyimiz Tullantıların İdarə Edilməsi Mərkəzinə davamlı olaraq mal-materiallar və istehsalat avadanlıqları daşınmışdır.
Eləcə də TED-nin 5-ci (H.Əliyev adına NEZ-in 10 saylı İstehsalat Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahəsindən “Alfa Laval” şirkətinin dekanter qurğusunda emal prosesi nəticəsində formalaşan torpaq yükləyici və özüboşaldan nəqliyyat və texnikaların köməyi ilə xüsusi ərazilərə daşınmışdır. Nəqliyyat sexinin əsas məqsədi texniki vasitələrlə QSC–nin fəaliyyətinin prioritet vəzifəsi olan ətraf mühitin qorunması və ekoloji layihələrin yerinə yetirilməsində yaxından iştirak etməkdən ibarətdir.
Odur ki, ötən illərdə olduğu kimi, 2023-cü ilin 6 ay ərzində Nəqliyyat sexinin nəzdində fəaliyyət göstərən nəqliyyat vasitələrinə texniki xidmətlərin artırılması işləri, mövsümi rejimdə işləmələri üçün ehtiyat hissələri, yanacaq və sürtgü materialları ilə təmin edilmiş və hərəkətin təhlükəsizliyinin təmini məqsədilə sürücülərə vaxtaşırı təlimatlar keçirilmişdir.
“Ekol Mühəndislik Xidmətləri” QSC-nin xidmət göstərdiyi bütün sahələr üzrə nəqliyyat vasititələri və xüsusi texnikalar təlabata uyğun işlər yerinə yetirmişlər.
ana səhifə
Satınalma
əlaqə
Futzal
Alternativ Enerji
Bu maraqlıdır
