Monitorinqlər 2023-cü ilin yay aylarında “Azneft” İB-nin N.Nərmanov adına NQÇİ-nin “Səngəçal-Düvannı-Xərə-Zirə”, “8 Mart”, “Bulla dəniz” və “Ələt dəniz” yataqlarında, “Neft Daşları” NQÇİ-nin “Neft Daşları” və “Palçıq Pilpiləsi yataqlarında, “28 May” NQÇİ-nin “Günəşli” yatağında və “Abşeronneft” NQÇİ-nin “Abşeron bankası”, “Qərbi Abşeron” və “Gürgan dəniz” yataqlarıda həyata keçirilmişdir.
Neft-qaz yataqlarında monitorinq zamanı layihə üzrə seçilmiş hər bir stansiyada batometr vasitəsilə su qatlarından su nümunələri götürülmüşdür. Götürülmüş su nümunələrində hidrogen ionlarının qatılığı (pH), oksigenin miqdarı, suyun duzluluğu, elektrik keçiriciliyi və temperatur çoxrejimli analitik cihazla gəminin laboratoriyasında təyin olmuşdur.
Bundan başqa dəniz dibindən dib çöküntüləri, bentos nümunələri, dəniz suyundan fitoplankton və zooplankton nümunələri götürülmüş, tədqiqat gəmisinin laboratoriyasında qablaşdırılmış və Kompleks Tədqiqatlar Laboratoriyasına təhvil verilmişdir. Alınmış laboratoriya nəticələri təhlil edilmiş və müvafiq hesabat hazırlanaraq “Azneft” İB-nə təhvil verilmişdir.
Ekoloji monitorinq işləri digər mövsümlərdə olduğu kimi payız mövsümündə də davam etdiriləcək.
ana səhifə
Satınalma
əlaqə
Futzal
Alternativ Enerji
Bu maraqlıdır
