Hər il olduğu kimi bu il də “Ekol Mühəndislik Xidmətləri” QSC-də Tədbirlər Planına uyğun olaraq 20 Sentyabr “Neftçilər Günü” peşə bayramı münasibətilə iməciliklər keçirilir. 

2023-cü il sentyabr ayının 16-da “Ekol Mühəndislik Xidmətləri” QSC-nin  xidmət sahələrində iməcilik keçirilmişdir. İməcilikdə rəhbərlik və kollektivin çoxsaylı nümayəndələri iştirak etmişlər. Tədbir “Ekol Mühəndislik Xidmətləri” QSC-nin  xidmət göstərdiyi O.Vəliyev 1 ünvanında yerləşən inzibati binada, Tullantıların emalı departamentinin 3, 4, 5, 6-cı (H.Əliyev adına NEZ-in 10 saylı İstehsalatın Su Təchizat və Neft Məhsulları Tullantıları Qarışığının Qəbulu üzrə xidmət sahəsinin ərazisi) sahələrində, Torpaqların rekultivasiyası departamentinin 1-ci (“Abşeronneft” NQÇİ-nin mədən ərazisi), 2-ci (“Bibiheybətneft” NQÇİ-nin mədən ərazisi) sahələrində, SOCAR-ın “Azneft” İB-nin Qaz Emalı Zavodunun ərazisinin yaşıllaşdırma sahələrində,  Tullantıların İdarə Edilməsi Mərkəzində, eləcə də cəmiyyətin “Ekologiya” İdarəsinin Balaxanı sahəsində, Dezinfeksiya şöbəsinin inzibati binasının ərazisində, istehsalat sahələrində və “Eko-Park” İnnovasiya Mərkəzinin yaşıllıq sahələrində  keçirilmişdir.

İməcilik zamanı  istehsalat  sahələri, inzibati binaların əraziləri  alaq otlarından, eləcə də digər tullantılardan  təmizlənmiş, yaşıllıqlara qulluq və abadlıq işləri yerinə yetirilmiş, tullantılar ərazilərdən kənarlaşdırılmışdır.

Eyni zamanda “Ekol Mühəndislik Xidmətləri” QSC-nin rəhbər heyəti və bir qrup əməkdaşları ilə birlikdə dənizkənarı sahildə iməcilik keçirmişlər. 20 sentyabr  “Neftçilər Günü” peşə bayramı münasibətilə keçirilən bu iməcilikdə əsas məqsəd Xəzər dənizində son illər baş verən təbii proseslərdə dəniz sahilində suyun çəkilməsi ilə əlaqədar yaranan vəziyyətlə bağlı tədbirlərə qoşulmaq və ictimaiyyətin diqqətini bu tipli aksiyaların keçirilməsinə cəlb etməkdən ibarət olmuşdur.

İməcilik zamanı təyin olunmuş Buzovna qəsəbəsi yaxınlığındakı dəniz kənarı sahil zolağında plastik və dəmir qablardan, məişət və qeyri tullantılardan təmizləmə işləri aparılmış, toplanmış tullantılar xüsusi torbalara yığılaraq təyin edilmiş tullantı yerlərinə təhvil verilmişdir.

İməcilik sonunda təşkil edilmiş çay süfrəsində tədbir iştirakçıları ilə gələcəkdə də bu cür ekoloji yönümlü layihələrin həyata keçirilməsi haqqında maarifləndirici söhbətlər aparılmışdır.