Əsası Ümummilli Lider Heydər Əliyev tərəfindən qoyulmuş Azərbaycanın yeni neft strategiyası ölkə Prezidenti cənab İlham Əliyev tərəfindən uğurla həyata keçirildiyini və iqtisadiyyatımızın dinamik inkişafına güclü təkan verdiyini, bu strategiyanın Azərbaycanı inkişaf etmiş ölkələr sırasına çıxardığını, günü-gündən müasirləşən şəhər və kəndlərimizin siması bu davamlı yüksəlişin əks etdirilməsindən xəbər verir.

“Ekol Mühəndislik Xidmətləri” QSC-də Tədbirlər Planına uyğun olaraq 20 Sentyabr “Neftçilər Günü” peşə bayramı münasibətilə iməciliklər və ağacəkmə aksiyası keçirilir. 

2023-cü il sentyabr ayının 19-da “Ekol Mühəndislik Xidmətləri” QSC-nin  xidmət göstərdiyi “Azneft” İstehsalat Birliyinin “Abşeronneft” NQÇİ-nin reabilitasiya olunmuş mədən ərazilərinin yaşıllıq sahələrində 20 Sentyabr “Neftçilər Günü” peşə bayramı münasibətilə “Azneft” İB-nin təşkilatçılığı ilə iməcilik və ağacəkmə aksiyası keçirilmişdir. Aksiyada “Azneft” İB-nin rəhbərliyi və kollektivi, “Abşeronneft”, “Bibiheybətneft”, “Neft Daşları”, N.Nerimanov adına NQÇİ-lərin rəhbərləri, II Qarabağ Vətən Müharibəsi qaziləri, “Ekol Mühəndislik Xidmətləri” QSC-nin rəhbərliyi və kollektivin çoxsaylı nümayəndələri iştirak etmişlər. 

Aksiya zamanı  “Abşeronneft” NQÇİ-nin mədən ərazilərində 1000 ədəd zeytun ağacı və 1000 ədəd gül kolları əkilmişdir. Ərazi alaq otlarından, eləcə də digər tullantılardan  təmizlənmiş, yaşıllıqlara qulluq və abadlıq işləri yerinə yetirilmişdir. 

Ekoloji vəziyyətin yaxşılaşdırılması və insanların sağlamlığına təsir göstərən mənfi amillərin aradan qaldırılması missiyasını yerinə yetirən “Ekol Mühəndislik Xidmətləri” QSC gələcəkdə xüsusilə SOCAR-ın fəaliyyət sahələrində ekoloji vəziyyətin yaxşılaşdırlıması istiqamətində öz fəaliyyətini davam etdirəcək. 

İməcilik sonunda bu cür aksiyaların və ekoloji yönümlü layihələrin həyata keçiriləcəyi bildirildi.