2023-cü il sentyabr ayının 20-də 20 sentyabr “Neftçilər günü” peşə bayramı münasibətilə “Ekol Mühəndislik Xidmətləri” QSC-də toplantı keçirilmişdir. Toplantıda rəhbərlik, departament, şöbə və sex rəisləri iştirak etmişlər. Tədbiri giriş sözü ilə Baş direktor Ramil Əliyev açıq elan edərək iştirakçıları salamladı. Daha sonra Ümummilli Lider Heydər Əliyevin və bütün şəhidlərimizin əziz xatirəsi bir dəqiqəlik sükutla yad edildi. Ramil Əliyev çıxışını davam etdirərək əsası Ümummilli Lider Heydər Əliyev tərəfindən qoyulmuş Azərbaycanın yeni neft strategiyası ölkə Prezidenti cənab İlham Əliyev tərəfindən uğurla həyata keçirildiyini və iqtisadiyyatımızın dinamik inkişafına güclü təkan verdiyini, bu strategiyanın Azərbaycanı inkişaf etmiş ölkələr sırasına çıxardığını, günü-gündən müasirləşən şəhər və kəndlərimizin siması bu davamlı yüksəlişin əks etdirilməsindən xəbər verdiyini bildirdi. 

Daha sonra çıxış üçün söz “Ekologiya” İdarəsinin rəis müavini Sadiq Kərimova verildi. Sadiq Kərimov çıxışında neftin tarixindən və “Əsrin Müqaviləsi”nin imzalanmasından söhbət açaraq Neft-Qaz sənayesinin, bütövlükdə iqtisadiyyatımızın inkişafı, ölkəmizin dünyada böyük nüfuz qazanması, etibarlı tərəfdaşa çevrilməsi, hər bir azərbaycanlı vətəndaşının sosial rifah halının yüksəlməsinə böyük təkan verdiyini bildirdi. 

Azərbaycan Respublikasının Prezidenti cənab İlham Əliyevin dediyi kimi: “1994-cü ildə “Əsrin Müqaviləsi” imzalanmasaydı buğun Azərbaycanın uğurlu inkişafından söhbət gedə bilməzdi”.

Sonda tədbirin davamı olaraq 20 sentyabr “Neftçilər günü” peşə bayramına həsr edilmiş videoçarx nümayiş etdirildi. 

    Enerji mənbəyi kimi tükənən - bərpa olunmayan...