Monitorinqlər zamanı yataqların əhatə etdiyi dəniz akvatoriyasında vizual müşahidələr aparılmış, analitik təhlillər üçün seçilmiş stansiyalardan dəniz dibindən qrunt, bentos nümunələri, su, fito və zooplankton nümunələri götürülmüşdür. Tədqiqatlar zamanı portativ cihazların köməyi ilə su nümunələrinin ilkin fiziki-kimyəvi parametrləri müəyyənləşdirilib, müvafiq qeydlər aparılıb.

Götürülmüş nümunələr analiz olunması üçün idarənin Kompleks Tədqiqatlar Laboratoriyasına təhvil verilmişdir. Laboratoriyada götürülmüş su nümunələri üzərində kimyəvi, dib çöküntüsü nümunələri üzərində  kimyəvi və bioloji, bentik və zooplankton orqanizmlər üzərində hidrobioloji təhlillər aparılacaqdır. Daha sonra alınmış nəticələr ötən illərin ekoloji monitorinqləri zamanı götürülmüş nümunələr üzərində aparılmış təhlillərlə müqayisə edilərək çirklənmənin dinamikasını öyrənməklə ümumi qiymətləndirilmə həyata keçiriləcəkdir.

Alınan nəticələrə uyğun olaraq yataqlar üzrə müvafiq hesabat hazırlanacaq və “Azneft” İB-yə təqdim ediləcəkdir.

Ekoloji monitorinq işləri digər mövsümlərdə olduğu kimi payız mövsümündə də davam etdiriləcək.