Tədbirdə “Ekol Mühəndislik Xidmətləri” QSC-nin rəhbər heyəti, departament və şöbə rəisləri, kollektiv üzvləri iştirak etmişlər. İlk öncə Azərbaycan Respublikasının himni səsləndi. Daha sonra Ümummilli Lider Heydər Əliyevin, Vətən uğrunda canlarından keçən bütün şəhidlərimizin əziz xatirəsi bir dəqiqəlik sükutla yad edildi.

Tədbirdə çıxış edən “Ekol Mühəndislik Xidmətləri” QSC-nin Baş direktorun müşaviri, Baş direktorun vəzifə səlahiyyətləri icra edən Rəşad Mustafayev müasir müstəqil Azərbaycan dövlətinin memarı və qurucusu, dahi siyasətçi, böyük şəxsiyyət Ümummilli Lider Heydər Əliyevin Vətən qarşısında xidmətlərinin danılmaz olduğunu, dünya miqyasında müstəqil Azərbaycandan danışanda həmişə onun qurucusu Heydər Əliyev anılması və adı uca tutulması haqqında bildirdi. Daha sonra Rəşad Mustafayev çıxışını davam etdirərək Ümummilli Lider Heydər Əliyevin müasir Azərbaycan dövlətinin qurucusu, müstəqil dövlətin Konstitusiyasının qəbul olunmasında, Azərbaycan milli bayrağı – Azərbaycan Xalq Cümhuriyyətinin üçrəngli bayrağı dövlət bayrağı kimi elan edilməsində böyük rolu olduğunu vurğuladı.

Qeyd olunmuşdur ki, Ümummilli Liderin şah əsəri olan Azərbaycan bu gün  Heydər Əliyevin ideyaları altında dinamik inkişaf yolu ilə gedir. Ulu öndərin layiqli davamçısı, möhtərəm Prezidentimiz cənab İlham Əliyevin yürütdüyü məqsədyönlü siyasət nəticəsində respublikamızda milli iqtisadiyyatımızın və qeyri neft sektorunun  inkişafı  üçün  əlverişli  şərait yaradılmışdır.

Toplantıda Heydər Əliyevin həyat və fəaliyyətini əks etdirən video çarx nümayiş olunmuş, və xatirəsi əziz tutulmuşdur. 

Odur ki, Ümummilli Lider Heydər Əliyev Azərbaycan xalqının qəlbində əbədi yaşayacaqdır.