Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

02.08.2011      2011-ci ildə “Ekol Mühəndislik Xidmətləri” QSC-nin  həyata keçirdiyi prioritet ekoloji  layihələrdən biri  də, öz tarixiliyi ilə səciyyələnən Qala kəndinin ərazisində yerləşən,  ümumi sahəsi 76 hektar olan gölün  ətrafındakı neftlə çirklənmiş sahələrin təmizlənməsidir.

01.08.2011      “Ekol Mühəndislik Xidmətləri” QSC-nin  ümumi fəaliyyətində və ekoloji layihələrin vaxtında və keyfiyyətlə həyata keçirilməsində Nəqliyyat və xüsusi texnika şöbəsinin  (NXTŞ)  rolu böyükdür. Ötən illərdə olduğu kimi    2011-ci ilin I-ci  yarım ilində də, NXTŞ öz nəqliyyat və xüsusi texnikaları ilə  QSC-nin fəaliyyət sahələrində  yaxından iştirak  etmiş  və bir sıra ekoloji layihələrin həyata keçirilməsində üzərinə düşən  vəzifələri layiqincə yerinə yetirmişdir. İstehsalat sahələrinin xüsusi texnika ilə təmin olunması və nəqliyyat xidmətlərinin göstərilməsi yüksək səviyyədə təşkil olunmuşdur.

27.07.2011  Ətraf mühitin mühafizəsi və ekoloji vəziyyətin yaxşılaşdırılması sahəsində prioritet  ekoloji layihələr yerinə yetirən “Ekol Mühəndislik Xidmətləri” QSC, istehsalat sahələrində çalışan işçilərin sağlamlığının və təhlükəsizliyinin təmin edilməsinə xüsusi diqqət yetirir və bu istiqamətdə  məqsədyönlü  tədbirlər həyata keçirir.

22.07.2011  QSC-nin istehsalat sahələrində ekoloji vəziyyətin yaxşılaşdırılmasında yaşıllaşdırma vacib bir amil kimi həmişə diqqət mərkəzində saxlanılır və bu istiqamətdə mütəmadi olaraq məqsədyönlü tədbirlər həyata keçirilir. Bununla əlaqədar olaraq, istehsalat sahələrində zərərli tullantıların təsir dərəcəsinin azaldılmasında mühüm rol oynayan yaşıllıqların salınması, onların mühafizəsi və inkişaf etdirilməsi işləri günü-gündən genişləndirilməkdədir.

20.07.2011       “Ekol Mühəndislik Xidmətləri” QSC-nin illik iş planlarına və “Sifarişçi” təşkilatlarla bağlanmış  müqavilə öhdəliklərinə uyğun olaraq, Ekoloji  Monitorinq Departamentinin (EMD)  Səyyar monitorinq xidməti (SMX) də  2011-ci ilin I-ci yarım ili ərzində üzərinə düşən vəzifələri layiqincə yerinə yetirmişdir. SMX-nin apardığı monitorinqlər zamanı əsas istiqamət, istehsalat sahələrindən atmosferə atılan zərərli maddələrin azalmasına,  təmizləyici  qurğuların effektliyinin artırılmasına və istehsalat prosesləri zamanı formalaşan tullantıların  idarə olunmasına  müsbət təsir göstərəcək tədqiqat işlərinə və səmərəli nəticələrin əldə edilməsinə  yönəldilmişdir.

18.07.2011       Hər bir müəssisə və təşkilatın ekoloji siyasətinin düzgün müəyyənləşdirilməsi  və idarə  edilməsi    üçün   əsaslandırılmış    ekoloji    normativ-texniki    sənədlər     toplusunun olması vacib şərtlərdən biridir. Bununla əlaqədar olaraq, “Ekol Mühəndisli   Xidmətləri” QSC-nin Ekoloji Monitorinq Departamentinin “Normativ-texniki sənədlərlə iş şöbəsi tərəfindən 2006-cı ildən başlayaraq, ARDNŞ-nin  30-dan çox təşkilatlarının 70-dən çox normativ-texniki sənədləri yüksək səviyyədə işlənib hazırlamış və aidiyyəti dövlət orqanları ilə razılaşdıraraq sifarişçilərə təhvil verilmişdir.

13.07.2011      “Ekol Mühəndislik Xidmətləri” QSC-nin həyata keçirdiyi  ekoloji layihələrin keyfiyyətlə icra olunması  layihə ərazilərində və istehsalat sahələrində aparılmış ekoloji monitorinqin  və analitik təhlillərin nəticələrindən  xeyli dərəcədə asılıdır. Odur ki, QSC-nin Ekoloji Monitorinq Departamenti  bütün fəaliyyət sahələrində mütəmadi olaraq monitorinq işlərini  yerinə yetirir və götürülmüş nümunələr Departamentin Kompleks Tədqiqatlar Laboratoriyasında  analitik təhlil edilir. Əldə olunmuş nəticələrə uyğun olaraq layihələrin icra müddəti və metodları müəyyən olunur.

11.07.2011       Ətraf mühitin mühafizəsi sahəsində çirkab-sənaye, tullantı sularının və parafinin təmizlənməsi, neftşlamın emalı və zərərsizləşdirilməsi kimi önəmli ekoloji layihələr həyata keçirən  QSC-nin Tullantıların Emalı Departamenti (TED),    2011-ci ilin I-ci yarım illiyini uğurlu göstəricilərlə başa vurmuşdur.

08.07.2011     Azərbaycanda ekoloji vəziyyətin yaxşılaşdırılması sahəsində qəbul edilmiş dövlət proqramlarının yerinə yetirilməsi istiqamətində respublikamızın hər yerində , eləcə də ARDNŞ-nin istehsalat sahələrində davamlı kompleks tədbirlər həyata keçirilir və “Ekol Mühəndislik Xidmətləri” QSC də bu tədbirlərdə yaxından iştirak edir. Bu baxımdan   QSC-nin neft emalı zavodlarında  istehsalat prosesləri zamanı formalaşan tullantıların təmizlənməsi və zərərsizləşdirilməsi, eləcə də  ətraf mühitə atılan zərərli maddələrin miqdarının xeyli dərəcədə azaldılması sahəsində gördüyü işlər xüsusilə əhəmiyyətlidir.

06.07.2011     ARDNŞ-nin istehsalat sahələrində “Ekol Mühəndislik Xidmətləri” QSC-nin ekoloji yönümlü fəaliyyəti günü-gündən genişlənməkdədir. Bu işlərin davamı olaraq,  ARDNŞ-nin  “Neft Kəmərləri” idarəsi ilə bağlanmış müqaviləyə əsasən  QSC  Dübəndi neft terminalında  da fəaliyyətə  başlamışdır.

01.07.2011       İyulun 1-də ARDNŞ-nin vitse-prezidenti Rəfiqə Hüseynzadə “Ekol Mühəndislik Xidmətləri“ QSC-nin istehsalat sahələrinə baxış keçirmiş,  istehsalat sahələrindəki qurğu və avadanlıqlarla, eləcə də neftşlamın emalı və zərərsizləşdirilməsi, parafinin və sənaye-çirkab sularının təmizlənməsi prosesləri ilə tanış olmuşdur.  Öncə ADNŞ-nin vitse-prezidentinə QSC-nin O.Vəliyev 1 ünvanında fəaliyyət göstərən Tullantıların emalı departamentinin 6-cı sahəsindəki qurğuların iş prinsipi və texnoloji  proseslər barədə ətraflı məlumat verilmişdir.  Qeyd olunmuşdur ki, bu sahədə  bir ayda Heydər Əliyev adına BNEZ-dan daxil olan 1-1.2 milyon m3-ə qədər sənaye-çirkab suları  müasir texnologiyalarla təmizlənərək, bir hissəsi texniki məqsədlər üçün zavodun təkrar istifadəsinə verilir, bir hissəsi isə bioloji təmizləmə qurğularına ötürülür. Sahədə ay ərzində 2 min    m3-ə qədər neftşlam emal olunaraq zərərsizləşdirilir. Parafin təmizləmə sexində isə ay ərzində QSC-nin təsisçiliyi ilə yaradılmış AAS-EKOL MMC-dən qəbul edilmiş 150-200 tona qədər ərsin parafini təmizlənir. İstehsalat prosesləri ilə tanışlıq zamanı vitse-prezidenti maraqlandıran suallar cavablandırılmışdır. R. Hüseynzadə QSC-nin O.Vəliyev 1 ünvanında yerləşən struktur bölmələrində çalışan işçilərin  əmək şəraiti ilə də maraqlanmışdır.

29.06.2011     Respublikamızın ərazisində, xüsusilə neft sənayesi sahələrində ekoloji problemlərin operativ və dünya standartları səviyyəsində  həll olunması ən aktual məsələlərdən biridir.  Bununla əlaqədar olaraq, ARDNŞ-nin fəaliyyət sahələrində neftlə çirklənmiş torpaqların təmizlənməsi işləri geniş vüsət almış, 100 hektarlarla torpaq sahələri  reabilitasiya edilərik landşaftın bərpası təmin olunmuşdur. Bu layihələrin həyata keçirilməsində “Ekol Mühəndislik Xidmətləri” QSC də potensial podratçı qismində yaxından iştirak edir.

22.06.2011       “Ekol Mühəndislik xidmətləri” QSC-də texniki təhlükəsizliyin beynəlxalq standartlar səviyyəsində qurulması, istehsalat sahələrində əməyin mühafizəsi, texniki təhlükəsizliyin  tələblərinə əməl olunması, işçilərin  sanitar-texniki normalarına uyğun iş şəraiti, xüsusi geyim və fərdi mühafizə vasitələri ilə  təmin olunması daimi diqqət mərkəzindədir. Bununla yanaşı, QSC-də çalışan işçilərin texniki təhlükəsizlik üzrə bilik səviyyələrinin artırılması istiqamətində də müvafiq tədbirlər görülür, vaxtaşırı treninq və seminarlar keçirilir, bu sahədə dövrü olaraq təlimatlara uyğun işçilərin bilik səviyyələri yoxlanılır, əlavə təlimatlandırma və maarifləndirmə işləri həyata keçirilir.

20.06.2011      ARDNŞ-nin  fəaliyyət sahələrində əhəmiyyətli ekoloji layihələr yerinə yetirən  QSC,  özünün istehsalat sahələrində də ətraf mühitin mühafizəsi sahəsində  mühüm tədbirlər həyata keçirir. Bu məqsədlə QSC-nin  əsas istehsalat sahələrindən biri olan, Tullantıların emalı departamentinin (TED) 6-cı sahəsində (Heydər Əliyev adına BNEZ-nun O.Vəliyev 1 ünvandakı 9-cu sexinin ərazisi) ətraf mühitin mühafizəsi və  ekoloji tarazlığın təmin olunması üçün BNEZ ilə razılaşdırılmış qaydada  istismar müddəti başa çatmış qurğular ləğv  edilərək,  həmin ərazilərdə bərpa və abadlaşdırma işləri aparılır.

14.06.2011      Tariximizə Milli Qurtuluş Günü kimi daxil olmuş 1993 -cü ilin 15 iyun günü onu qiymətləndirənlər, dərindən dərk edənlər üçün çox əzizdir. Vətənini, xalqını sevən həmin çətin, ağrılı günlərin dəhşətlərini yaşayan, hadisələri gözləri ilə görən insanlar üçün 15 iyun əsl qurtuluş tarixi, Azərbaycanda ölüm-dirim mübarizəsinin tarixidir. Bu tarixi yaradan isə Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa olan bir insandır - Heydər Əliyev.

13.06.2011       Respublikamızda ekoloji vəziyyətin yaxşılaşdırılması və ətraf mühitin mühafizəsi istiqamətində geniş miqyaslı tədbirlərin həyata keçirilməsi davam etməkdədir.  Abşeron yarımadasında  ekoloji tarazlığın pozulmasına təsir göstərən  neft sənaye müəssisələrinin  istehsalat sahələrində isə bu kimi tədbirlər daha geniş vüsət almışdır.

07.06.2011     Azərbaycan Respublikası Sənaye və Energetika Nazirliyinin və ARDNŞ-nin rəsmi dəstəyi və Böyük Britaniyanın  “İTE Group PLC”, onun Qafqazdakı tərəfdaşı “İteca Caspian” LLC şirkətlərinin təşkilatçılığı ilə, iyunun 7-də Bakı Sərgi Mərkəzində  “18-ci Beynəlxalq Xəzər neft və qaz, neftayırma və neft kimyası sərgisi “ açılmışdır.

06.06.2011   QSC-də çalışan işçilərin sosial müdafiəsi, iş şəraitlərinin yaxşılaşdırılması, sağlamlıqlarının qorunması və istirahətlərinin təşkili daim diqqətdə olan önəmli məsələlərdən biridir.  Bütün bunlar kollektiv əmək müqaviləsində öz əksini tapmış və  müqavilə şərtlərinə uyğun olaraq  məqsədli tədbirlər həyata keçirilir.

04.06.2011     Birləşmiş Millətlər Təşkilatının Baş Assambleyasının 1972-ci il 05 iyun tarixdə Stokholm şəhərində keçirilən iclasında ətraf mühit məsələləri diqqət mərkəzində olmuşdur. Problemin kəskinliyini, əhali arasında ekoloji şüurun genişləndirilməsi, ətraf mühitin mühafizəsi problemlərinə diqqət yönəldilməsi vacibliyini nəzərə alan iştirakçılar tərəfindən, 05 iyunun «Ümumdünya ətraf mühitin mühafizəsi günü» kimi qeyd olunmasına qərar verilmişdir. Növbəti ildən isə başlayaraq həmin gün bütün dünyada təntənəli şəkildə qeyd olunmağa başlanmışdır.

03.06.2011      Əməyin mühafizəsi, texniki təhlükəsizlik qaydalarına əməl olunması, insanların sağlamlığının qorunması və dövlət əmlakının  yanğından mühafizə edilməsi “Ekol Mühəndislik Xidmətləri” QSC-nin daim diqqətdə saxladığı əsas vəzifələrdən biridir. Bu məqsədlə QSC-nin istehsalat sahələrində mütəmadi olaraq müvafiq tədbirlər həyata keçirilir, istismar müddəti başa çatmış mühafizə vasitələri və yanğınsöndürmə sistemləri yeniləşdirilir.